Advertisemen
CAMMING
Karya: Lamakkawa
Engka tau makkiada rialeku, iyya'na passelleena tau madeceng'nge
tabe' idi'to
Engka toopa tau makkiada rialeku, iyya'na passeleena tau
masolang'nge
tabe' idi'to
mattulilika
massappa adecengeng nayya uruntu’e, aseggekeng
mattulilika
massappa akonjakeng nayya uruntu’e, assikelebbireng
jaji tega
diaseng’nge adecengeng.?
na tega diaseng’nge
akonjakeng.?
Nasaba’ annennungekku najeppuu makkedae
“adecengeng’nge na akonjakeng’e masseddi
na dee nullei masserang
Bansana moa nyawae na pappenedding’e
riwatakkale”
Tabe’
pada gilingngi’ mai
Pada
mappasingaja na pada mappesitalinge’
Lettu
gangkanna dasengnge mappasseddi ati
adecengekku, adecengettato
akonjakekku, akonjakettato
tabe’,
jaji pada rewe’ni mai
rewe’ni
pada maccamming, tabe’
maccamming
ricammitta
nasaba’
iga niga engka riolota’. Yanaritu cammitta’, tabe’
Advertisemen